Accueil > Français > E reo tō ’u > Te tahi mau fa’a’ohipara’a nō te miro (Hiro’a n°160 - Février 2021)

Te tahi mau fa’a’ohipara’a nō te miro (Hiro’a n°160 - Février 2021)

Teie te tahi nau rā’au e tupu nei nā ni’a i nā ‘e’a to’opiti nō ‘Ōpūnohu i Mo’orea- Te ara-tupuna ‘e te ‘e’a nō te ‘āro’a Pu’uroa - i fāna’o i te tahi mau paruai ...

-->

ROHIPEHE : NATEA MONTILLIER TETUANUI (VĀHINE) ’OHIPA : ‘IHI NŪNA’A, ‘IHI REO WWW.CULTURE-PATRIMOINE.PF

Teie te tahi nau rā’au e tupu nei nā ni’a i nā ‘e’a to’opiti nō ‘Ōpūnohu i Mo’orea- Te ara-tupuna ‘e te ‘e’a nō te ‘āro’a Pu’uroa - i fāna’o i te tahi mau paruai fa’a’ite’itera’a i tō rātou fa’a’ohipara’a i roto i te orara’a ā te Mā’ohi, i te mātāmua iho ā rā.

Miro, ‘āmae, Thespesia populnea bois de rose d’Océanie, Paci c rosewood tree, IND
E rā’au mā-‘ute-‘ute toiaha e te pa’ari. E mea au roa nā te feiā tarai rā’au.

1. E tumu rā’au mo’a roa teie ē ‘itehia i pīha’i iho i te mau marae, « e tāpa’o nō te atua Rōro’o, tē uru i te tahu’a marae i te tau ha’amorira’a (Henry, 2004 : 394). E mau rātou i te tahi ‘āma’a miro i roto i te mau ‘ōro’a » (Henry, 2004 : 169).

2. E rā’au teie e ravehia nō te hāmani i :

- te mau tauiha’a mo’a, nō te ha’amori- ra’a : ti’i, to’o, va’a, unu, fata, tira, rau fare marae, fa’ari’i, rogorogo ; Tō te rogorogo e te tātau, terā ia te pāpa’ira’a ‘ōtahi ā te mā’ohi : e maimoa fa’a-ha’a-mana’o-ra’a te rogorogo nō te ha’a-papa-tupuna ō te ari’i e tō na mata’eina’a, ia ‘ite pāpū te ta’ata nō hea roa mai tō na mana.

- te mau tauiha’a faufa’a : hei ‘arapo’a, fau, fa’a‘una’una, turu’a (rā’au), hā’uti pōpō, fana e te’a, tā tātau, ‘aufau tāhirihiri ;

- te mau tauiha’a nō te mau mahana ato’a : ‘ūmete, va’a, fare, tō’ere, pahu, fa’atete, vivo ; e ta’i te pahu e te pū nō te fa’a-ara i te nūna’a, te mau tīa’i, te mau ari’i, ’oia ho’i nō te tahi putuputura’a rahi, ‘ōro’a rahi, i te tahi taime i roto i te heivara’a.

3. E tāipe pūai te rau’ere nō te ha’ama- namana i te ‘ōro’a i mūta’a ; ei hāmanira’a rā’au tahiti. E orohia te mā’a miro, e tu’uh- ia i ni’a i te ‘iri mai te hotu nō te rapa’au. ‘Āno’i i te mono’i, e fa’ahapu i te upo’o mā te taurumi nō te rapa’au i te puta to’eto’e ; e rapa’au i te fīva re’are’a.

IND = indigène

- Te tahi mau - fa’a’ohipara’a no te miro (Hiro’a n°160 - Février 2021) (à télécharger)